TAREFAS DO ALUMNADO DO PCPI

A  continuación unha mostra das tarefas deste grupo no que vai de trimestre.

ACTIVIDADES 2º TRIMESTRE

Unha mostra das tarefas que se están a levar a cabo neste trimestre, aínda que o tempo non axuda para facer actividades no exterior, nos momentos que se pode saese, e cando non, pois fanse sementeiros no interior.


ACTIVIDADES TALLER 2º TRIMESTRE - diapositivas

FELIZ 2014

Xa estamos de volta, aínda que sexa cun chisco de retraso.

Que o Aninovo nos agasalle con moita ilusión, imaxinación e forzas para seguir a senda do ensino e aprendizaxe. Pois xa Cicerón dicía: "Para aprender hai que ensinar"

 

TRABALLANDO NO FOGAR DAS TARTARUGAS

O alumnado do taller preparándolle o fogar as tartarugas, Caillou e Ninja, para o inverno. Poza con tellado e xardín para saír o sol. Que sorte van ter!!! Herba nova que vai medrar para que tomen o sol.

FOGAR TARTARUGAS - foto montaje

SENTINDO O OUTONO

Uns momentos de relax no patio, co alumnado do taller, despois da faena no horto.

SENTINDO O OUTONO - foto montaje

PREPARANDOSE PARA O NADAL

Nesta semana o alumnado do PCPI estivo a traballar na elaboracion de postais para participar no concurso de postais convocado polo concello.
A continuación unha mostra:

MESSI E RIGAN

E.. xa temos a coelleira habitada, chegaron a semana pasada unha parella de coellos, e o alumnado do PCPi xa os bautizou, así que como se pode ver nas fotos, temos a Messi e a Rigan.

CHEGAN MÁIS ANIMAIS

A semana pasada a enfermeira do centro agasallounos con dúas tartarugas. 

O alumando do PCPI estivo moi atarefado buscandolles nome e preparando o seu fogar.

CAILLOU

NINJA

TAREFAS GRUPO 4

Durante o primeiro trimestre pasarán polo taller o Grupo 4 e o Grupo 2 do alumnado.

A continuación aparece unha presentación do traballo, durante o mes de outrubro, do Grupo 4. 

RECOLLIDA DAS PATACAS

Nos días de comezo do curso o noso alumando atopouse con moitas tarefas no horto, despois de todo o verán toca recollida de froito e tamén de limpeza.

AS GALIÑAS TEÑEN NOME

  Xa teñen nome as dúas galiñas do galiñeiro, o alumando do PCPI xa fixo os carteis cos respectivos nomes. Así que de agora en diante falaremos de RUCA e MARGARITA. Parabéns!!!

INQUILINOS NO GALIÑEIRO

INQUILINOS NO GALIÑEIRO

   Onte chegaron ao noso galiñeiro dúas poliñas novas e o alumnado estivo a preparlles o aloxamento no seu novo fogar. Nos vindeiros días procederase ao seu bautizo. Mentres un vídeo destas tarefas.

INCUBANDO OVOS

INCUBANDO OVOS

      O día 23 de setembro comezouse o proceso de cría de polos, pasando primeiro pola fase de incubación.

       No seguínte vídeo pódese ver unha mostra das tarefas levadas a cabo polo alumnado.

CURSO 2013/2014

Xa chegou setembro e con el a volta ás aulas.

Imos comezar curso con moito traballo. A continuación unha mostra:

O noso horto en xuño 

O noso horto hoxe:

Ánimo e Bo comezo!!!

EVOLUCIÓN DA DESCENDENCIA DE BURBULLA

No seguinte vídeo podese observar como está a descendencia da nosa coella Burbulla no seu cocho. 

TRABALLO SOBRE O BISCOITO DE CHOCOLATE

Trala tarefa levada a cabo coa elaboración do biscoito, o alumnado da Aula 10 realizou unha presentación explicando o proceso, coa axuda das fotos tomadas. 

A DESCENDENCIA DE BURBULLA

Despois dun mes dende a chegada de Burbulla ao centro, este luns pola mañá atopámonos coa sorpresa. Burbulla estaba  rematando de parir a súa primeira camada. Estaba arrancando o seu pelo para tapar e protexer aos seus catro coelliños.  Nestes días o alumnado só se achegou para comprobar que o pelo se movía e darlle de comer a Burbulla. Agardamos na vindeira semana poder destapalos e acariñalos. 

Mentres a seguinte presentación:

A NOSA HORTA

A primavera vai avanzando, e con ela, a nosa horta; por fin, a choiva escampa e a caloriña axuda a medrar as nosas verduras.

Nestes días fóronse aproveitando os ocos de bo tempo para ir trasladando os froitos dos sementeiros á horta (fabas, garavanzos, cabazas, millo, leitugas, verza).

 Despois dun inverno tan abundante en choiva, a terra que se preparara no outono quedou compactada e imposible para o cultivo, por iso unha axuda moi importante foi a adquisición do motocultor eléctrico, co que se fresou a terra da horta, e así coa colaboración do noso alumnado foise levando a cabo a transplanta.

Na seguinte presentación pódese ver a evolución da nosa horta.

EXPLORANDO CO ALUMNADO DAS AULAS 3 E 9

O comezo do trimestre con este grupo tivo que ser na aula por mor do tempo, así que se levaron a cabo traballos cos sementeiros de fabas, garavanzos, millo, outra vez leitugas, e cabazas. Logo na seguinte semana xa se puído saír ao horto e aproveitouse para o transplante de tomates e pementos, así como para arrancar as malas herbas dos anacos xa sementados de patacas, allos e cebolas.

COÑECENDO A BURBULLA

Burbulla, a coella, xa leva con nós tres semanas, e o alumnado que pode  vai pasando a  coñecela e coidala, e aos que non poden, na hora dos talleres foiselle dando a coñecer.

E como estaba anunciado dende que chegou, podedes ver o vídeo destes días: